கர்நாடகாவில் 69 வயது மூதாட்டியை பாலியல் வன்கொடுமை செய்த வாலிபருக்கு 10 ஆண்டு கடுங்காவல் சிறை தண்டனை விதித்து ஹாசன் நீதிமன்றம் தீர்ப்பளித்துள்ளது.
கர்நாடக மாநிலம் ஹாசன் தாலுகா கட்டையா அருகே பனவாசே கிராமத்தை சேர்ந்தவர் ரமேஷ் (வயது 26). அதே கிராமத்தில் 69 வயது மூதாட்டி தனியாக வசித்து வருகிறார். கடந்த 2020-ம் ஆண்டு ஜூலை 29-ந்தேதி ரமேஷ், மூதாட்டியின் வீட்டு மேற்கூரை ஜன்னலை கல்லால் தாக்கி உடைத்து உள்ளே புகுந்துள்ளார். பின்னர் மூதாட்டி என்றும் பார்க்காமல் அவரை கொடூரமான முறையில் அவரை பாலியல்வன்கொடுமை செய்துள்ளார்.
இதுகுறித்து பாதிக்கப்பட்ட மூதாட்டி ஹாசன் மகளிர் காவல்துறையில் புகார் அளித்தார். அதன்பேரில் ரமேஷ் மீது வழக்குப்பதிவு செய்த போலீசார், அவரை கைது செய்து சிறையில் அடைத்தனர். இதுதொடர்பான வழக்கு ஹாசன் மாவட்ட 2-வது கூடுதல் மற்றும் செசன்சு நீதிமன்றத்தில் நடைபெற்று வந்தது. இதில் வழக்கு விசாரணை நேற்று முன்தினம் முடிந்த நிலையில், மூதாட்டியை கொடூரமான முறையில் பாலியல் வன்கொடுமை செய்த குற்றச்சாட்டு ரமேஷ் மீது நிரூபிக்கப்பட்டது. எனவே அவருக்கு 10 ஆண்டுகள் கடுங்காவல் சிறை தண்டனையும், 10 ஆயிரம் ரூபாய் அபராதம் விதித்தும் நீதிபதி உத்தரவிட்டார். மேலும் பாதிக்கப்பட்ட மூதாட்டிக்கு ரூ.4 லட்சம் இழப்பீடு வழங்கவும் நீதிபதி உத்தரவிட்டுள்ளார்.
இதையும் வாசிக்கலாமே...
முன்னாள் பிரதமர் மாரடைப்பால் மரணம்... சோகத்தில் நாட்டு மக்கள்!
அதிர்ச்சி... சேலம் ஆர் ஆர் பிரியாணி கடைக்கு பூட்டு போட்ட அதிகாரிகள்!
மகன் சாவில் மர்மம்... கண்டுகொள்ளாத போலீஸ்; வேதனையில் தாய், மகள் தற்கொலை
நாளை சந்திர கிரகணம்... குரு சந்திர யோகமும்... ராசிகளின் கூட்டணியும்!
இஸ்ரேல் குண்டுவீச்சில் குடும்பமே பலி... அடுத்த நாளே போர்க்களத்தில் களமிறங்கிய செய்தியாளர்!