சென்னையில் போலீஸ் எனக்கூறி ஸ்பா மற்றும் மசாஜ் சென்டரில் பணம் பறித்த போலி எஸ்.ஐ கைது செய்யப்பட்டுள்ளார். அவரிடமிருந்து போலீஸ் ஸ்டிக்கர் ஒட்டிய இருசக்கர வாகனம், காவல்துறை உதவி ஆய்வாளர் உடை, அடையாள அட்டை ஆகியவை பறிமுதல் செய்யப்பட்டுள்ளன.
சென்னை வடபழனி மற்றும் அதன் சுற்றுவட்டாரப் பகுதிகளில் காவல்துறை உதவி ஆய்வாளர் ஒருவர் அப்பகுதியில் உள்ள ஸ்பா மற்றும் மசாஜ் சென்டர்களில் மிரட்டி பணம் பறித்து வருவதாக வடபழனி உதவி ஆணையருக்கு தகவல் கிடைத்தது. இதனையடுத்து வடபழனி உதவி ஆணையர் தலைமையிலான தனிப்படை போலீஸார் ஸ்பா மற்றும் மசாஜ் சென்டர்களில் தீவிர கண்காணிப்பில் ஈடுபட்டு வந்தனர்.
இந்நிலையில் வடபழனி பகுதியில் உள்ள மசாஜ் சென்டரில் உதவி ஆய்வாளர் உடையில் இன்று வந்த ஒருவர் அங்கு பணம் கேட்டு மிரட்டியுள்ளார். தகவல் அறிந்து உடனே அங்கு சென்ற தனிப்படை போலீஸார் அந்த நபரை பிடித்து வடபழனி காவல் நிலையம் அழைத்து வந்து விசாரணை நடத்தினர். அப்போது அவர் ராமாபுரம் வெங்கடேஸ்வர நகர் 2வது தெருவைச் சேர்ந்த அஸ்வின்(30) என்பதும் இவர் நான்கு ஆண்டு முன்பு டிராபிக் வார்டனாக பணியாற்றி வந்ததும் தெரியவந்தது.
மேலும் அஸ்வின் காவல் உதவி ஆய்வாளர் உடையை வாடகைக்கு எடுத்து தனது புல்லட்டில் போலீஸ் என ஸ்டிக்கர் ஒட்டி கொண்டு ஸ்பா மற்றும் மசாஜ் சென்டர்களில் கடந்த சில நாட்களாக பணம் பறித்து வந்தது தெரிய வந்தது. இதனையடுத்து போலீஸார் அஸ்வினிடம் இருந்து காவல் உதவி ஆய்வாளர் உடை மற்றும் இருசக்கர வாகனம், போலி அடையாள அட்டை ஆகியவற்றை பறிமுதல் செய்தனர்.
மேலும் கைது செய்யப்பட்ட அஸ்வினிடம் தொடர் விசாரணை மேற்கொண்டு வருகின்றனர். எப்போதும் பரபரப்பாக காணப்படும் வடபழனி பகுதியில் ஒருவர் போலீஸ் உடையில் மாமூல் வசூலித்து வந்த சம்பவம் காவல்துறையினரிடையே பெரும் அதிர்ச்சியை ஏற்படுத்தியுள்ளது.
இதையும் வாசிக்கலாமே...
கோடிக்கணக்கில் பணம், தங்கம், வைரம் பறிமுதல்... தெறிக்கவிட்ட தேர்தல் பறக்கும் படை!
அதிர்ச்சி! தவறான சிகிச்சையால் +2 மாணவன் உயிரிழப்பு... மருத்துவர் கைது!
80 வயது முதியவரை 26 வயது இளைஞனாக்கலாம்… விஞ்ஞானிகள் சாதனை!
தேனியில் பரபரப்பு.. கவுன்சிலர்களின் பிச்சை எடுத்து போராட்டம்!
பிக் பாஸ் நிக்சனின் சில்மிஷ வீடியோ... போட்டியாளர்கள் அதிர்ச்சி!