விஜய், அஜித் படத்தை பின்னுக்கு தள்ளியது `பொன்னியின் செல்வன்'- டாப் 10 வசூல் பட்டியலை வெளியிட்டது நெல்லை திரையரங்கம்

பொன்னியின் செல்வன் படத்தில்
பொன்னியின் செல்வன் படத்தில்

திருநெல்வேலியில் உள்ள பிரபல திரையரங்கமான ராம், முத்துராம் திரையரங்கம், தங்கள் திரையரங்கின் 2022-ம் ஆண்டில் வசூலை வாரிக் குவித்த டாப் 10 படங்களின் புள்ளி விவரத்தை வெளியிட்டுள்ளது. இதில் விஜய்யின் பீஸ்ட் படத்தை, அஜித்தின் `வலிமை' வசூலில் முந்தியுள்ளது. அதேபோல் விஜய், அஜித் இருவரது படங்களையும் `பொன்னியின் செல்வன்' முந்தியுள்ளது.

வலிமை
வலிமை

நெல்லை ராம் சினிமாஸ் வெளியிட்டுள்ள வசூல் அடிப்படையில் முதலிடத்தை மணிரத்னம் இயக்கத்தில் விக்ரம், ஜெயம் ரவி, ஐஸ்வர்யா ராய், த்ரிஷா, பிரபு, பார்த்திபன், சரத்குமார் என நட்சத்திரப் பட்டாளங்கள் நடித்து மணிரத்னம் இயக்கிய `பொன்னியின் செல்வன்' முதலிடம் பிடித்துள்ளது.

அசத்திய விக்ரம்!

வசூலில் இரண்டாம் இடத்தை கமல்ஹாசன் நடித்து, லோகேஷ் கனகராஜ் இயக்கிய `விக்ரம்' பிடித்திருப்பதாக திரையரங்கம் அறிவித்துள்ளது. இப்படம் விஜய்யின் பீஸ்ட், அஜித்தின் வலிமை இரண்டின் வசூலையும் முந்தியுள்ளது. மூன்றாவது இடத்தை கே.ஜி.எப் 2-வது பாகமும், நான்காவது இடத்தை அஜித்தின் வலிமையும், 5-வது இடத்தை விஜய்யின் பீஸ்ட் திரைப்படமும் நெல்லையில் வசூல் ரீதியாகப் பெற்றுள்ளது.

6-வது இடத்தை தனுஷ் நடித்த `திருச்சிற்றம்பலம்' திரைப்படமும், 7-வது இடத்தை சிவகார்த்திகேயன் நடித்த 'டான்' திரைப்படமும் பெற்றுள்ளது. 8-வது இடத்தை `ஆர்.ஆர்.ஆர்' படம் பிடித்துள்ளது. 9- வது இடத்தை கார்த்தி நடித்த குடும்ப சென்டிமென்ட் படமான 'விருமன்' பிடித்துள்ளது. வசூல் ரீதியாக 10-வது இடத்தை இயக்குனர் பிரதீப் ரங்கராஜன் தானே இயக்கி நடித்த 'லவ் டுடே' திரைப்படம் பெற்றுள்ளது.

விஜய், அஜித் இருவரின் படங்களுமே இந்த பட்டியலின்படி நான்கு, ஐந்தாவது இடமே பிடித்திருப்பது அவர்களின் ரசிகர்களை அதிர்ச்சியில் ஆழ்த்தியுள்ளது!

Related Stories

No stories found.
x
காமதேனு
kamadenu.hindutamil.in