லோகேஷ் கனகராஜ் இயக்கத்தில் விஜய் நடிப்பில் வெளியாகியுள்ள 'லியோ' படம் போலந்து நாட்டில் மிகப்பெரிய சாதனையைப் படைத்துள்ளதாக அங்கு அப்படத்தை திரையிட்டுள்ள நிறுவனம் தெரிவித்துள்ளது.
கடந்த 19ம் தேதியன்று திரையரங்குகளில் வெளியானது 'லியோ' திரைப்படம். விஜய் நடிப்பில் மிகுந்த எதிர்பார்ப்புக்கு மத்தியில் ரிலீசான இப்படம் பாக்ஸ் ஆபிஸில் வசூல் மழை பொழிந்து வருகிறது. உலக அளவில் படத்திற்கு கிடைத்துள்ள பிரம்மாண்ட வரவேற்பால் படக்குழுவினர் உச்சக்கட்ட மகிழ்ச்சியில் உள்ளனர்.
இரண்டாவது முறையாக விஜய்யுடன் இணைந்த லோகேஷ் கனகராஜ், ஏற்கெனவே வெளியான மாஸ்டரை போல் அல்லாமல் லியோவை முழுக்க முழுக்க தன்னுடைய பாணியில் இயக்கியிருந்தார். பாக்ஸ் ஆபிஸில் அந்த படம் தொடர் வசூல் வேட்டை நடத்தி வருகிறது. பான் இந்திய அளவில் வெளியான இப்படத்திற்கு தமிழ்நாட்டில் மட்டுமல்லாமல் உலகளவில் அமோக வரவேற்பு கிடைத்து வருகிறது.
கேரளா, கர்நாடக போன்ற அண்டை மாநிலங்கள் மற்றும் வெளிநாடுகளிலும் தொடர் வசூல் வேட்டை நடத்தி வருகிறது. இந்நிலையில் 'லியோ' படம் போலந்து நாட்டில் ஒரு வரலாற்று சாதனையை படைத்துள்ளது. அதன்படி இந்தாண்டின் மிகப்பெரிய தென்னிந்திய படமாக போலந்து நாட்டில் புதிய மைல்கல் சாதனையை எட்டியுள்ளது. இதனை அங்கு படத்தை வாங்கி வெளியிட்ட நிறுவனம் அதிகாபூர்வமாக அறிவித்துள்ளது. இதனால் விஜய் ரசிகர்கள் பெரும் உற்சாகத்தில் உள்ளனர்.