நடிகர் சிவகுமாரை போல மாறிட்டாரே சித்தார்த்: செஃல்பி எடுக்க வந்த ரசிகர் அதிர்ச்சி

நடிகர் சிவகுமாரை போல மாறிட்டாரே சித்தார்த்: செஃல்பி எடுக்க வந்த ரசிகர் அதிர்ச்சி

செஃல்பி எடுக்க வந்த ரசிகரின் செல்போனை நடிகர் சித்தார்த் பறித்த சம்பவம் சமூக வலைதளங்களில் வைரலாகி வருகிறது.

தமிழக அரசின் சார்பில் திரைப்பட விருதுகள், சின்னத்திரை விருதுகள் மற்றும் எம்ஜிஆர் திரைப்படம் மற்றும் தொலைக்காட்சி பயிற்சி நிறுவன மாணவர்களுக்கான விருதுகள் வழங்கும் விழா நேற்று கலைவாணர் அரங்கில் இடம்பெற்றது. இதில், நடிகர் விக்ரம், ஆர்யா, ஜீவா, சித்தார்த் உள்ளிட்ட முன்னணி திரைப் பிரபலங்கள் பலர் கலந்து கொண்டு விருதுகள் பெற்றனர். இதனிடையே நடிகர் சித்தார்த் 2014-ம் ஆண்டு வெளியான 'காவியத் தலைவன்' என்ற படத்திற்காக சிறந்த நடிகர் விருதினைப் பெற்றுக்கொண்டார்.

இதன் பின் அவர் செய்தியாளர்களிடம் கூறுகையில், "உண்மையான கலைக்கான பாராட்டும், விருதும் உரிய தருணத்தில் வர வேண்டும். அது இந்த படத்திற்கு கிடைக்கவில்லை. 8 வருடம் கழித்து எங்களின் உழைப்பிற்கும் பார்த்த கனவுகளுக்கும் சேர்ந்து அனுபவித்த கலைக்கும் இந்த மாதிரி ஒரு விருது கிடைத்திருப்பது ரொம்ப மகிழ்ச்சியாக உள்ளது.

காவியத்தலைவன் படக்குழுவிற்கு நன்றி. மேலும் ஒரு அரசாங்கத்திடம் சிறந்த நடிகருக்கான விருது வாங்குவது என்பது மிக பெரிய விஷயம். அதுவும் 8 ஆண்டுகள் கழித்து வாங்குவது அதிசயம் மட்டுமின்றி அற்புதமும் கூட. இந்த அற்புதத்திற்கு நன்றி" என்று கூறினார்.

இவ்விழா முடிந்த பின் வெளியேறிய நடிகர் சித்தார்த்தை ரசிகர்கள் புகைப்படம் எடுக்க சூழ்ந்து கொண்டனர். அப்போது லிஃப்ட்டுக்குள் சென்ற சித்தார்த்திடம் ஒரு ரசிகர் செல்ஃபி எடுக்க முயற்சி செய்தார். அப்போது அவரிடம் இருந்து செல்போனை நடிகர் சித்தார்த் பறித்துக்கொண்டார்.

ஒரு விழாவில் செஃல்பி எடுக்க வந்த ரசிகரின் செல்போனை நடிகர் சிவகுமார் தட்டி விட்டது வைரலானது. தற்போது அதே பாணியில் செஃல்பி எடுக்க வந்த ரசிகரின் செல்போனை நடிகர் சித்தார்த் பறித்தது இணையதளத்தில் விமர்சனமாக மாறியுள்ளது. நடிகர் சித்தார்த் செல்போனை பறித்த வீடியோ சமூக வலைதளங்களில் தற்போது வைரலாகி வருகிறது.

Related Stories

No stories found.
x
காமதேனு
kamadenu.hindutamil.in