நடிகை த்ரிஷா குறித்த சர்ச்சை கருத்துக்கு நடிகர் மன்சூர் அலிகான் தனது இன்ஸ்டாகிராம் பக்கத்தில் பதில் அளித்துள்ளார்.
இதுகுறித்து நடிகர் மன்சூர் அலிகான் தனது எக்ஸ் தளத்தில், " அய்யா பெரியோர்களே.... திடீரென்று த்ரிஷாவை நான் தப்பா பேசிட்டேன்னு என் பொண்ணு பசங்க, வந்த செய்திகளை அனுப்பினாங்க. அடப்பாவிகளா, என் படம் ரிலீஸ் ஆகுற நேரத்தில், நான் வருகிற தேர்தலில் ஒரு பிரபல கட்சி சார்பாக போட்டியிடுகிறேன் என்று சொன்ன வேளையில், வேண்டும் என்றே யாரோ கொம்பு சீவி விட்டிருக்கிறார்கள்.
உண்மையில் அந்த பெண்ணை உயர்வாகத்தான் சொல்லிருப்பேன். அனுமார் சிரஞசீவி மலையைக் கையிலேயே தாங்கிட்டுப் போன மாதிரி காஷ்மீர் கூட்டிட்டு போயிட்டு வானத்துலேயே திருப்பி கொண்டுவந்துட்டாங்க. பழைய படங்கள் மாதிரி கதாநாயகிகள் கூட நடிக்க வாய்ப்பு இதில் இல்லை.
எனது ஆதங்கத்தை காமெடியாக சொல்லிருப்பேன். அதை கட் பண்ணி பதிவிட்டு கலகம் பண்ண நினைத்தால் நான் என்ன, இந்த சலசலப்புகளுக்கு அஞ்சுறவனா? யாரோ த்ரிஷாவிடம் தவறாக வீடியோவைக் காட்டி இருக்கிறார்கள்.
அய்யா, என்கூட நடிச்சவங்க எல்லாம் எம்எல்ஏ, எம்.பி, மந்திரி ஆகிவிட்டார்கள். பல கதாநாயகிகள் பெரிய தொழில் அதிபர்களைத் திருமணம் செய்துகொண்டு செட்டில் ஆகிவிட்டார்கள். நான் எனது 2 பெண்களுக்கு கல்யாணம் பண்ணனும், 360 படங்களில் நடித்திருக்கிறேன்.
நான் எப்பவும் சக நடிகைகளுக்கு ரொம்ப மரியாதை கொடுப்பவன். அது எல்லாருக்கும் தெரியும். உலகத்தில் எத்தனையோ பிரச்சினை இருக்கிறது. பொழப்ப பாருங்கப்பா" என்று பதிவிட்டுள்ளார்.