லிங்குசாமி இயக்கும் ‘தி வாரியர்’ படத்தின் ரிலீஸ் தேதியை படக்குழு இன்று அறிவித்துள்ளது.
விஷால் நடித்த 'சண்டக்கோழி 2' படத்துக்குப் பிறகு ’தி வாரியார்’ என்ற படத்தை லிங்குசாமி இயக்கி வருகிறார். இதில், தெலுங்கு நடிகர் ராம் பொத்தினேனி ஹீரோவாக நடிக்கிறார். கீர்த்தி ஷெட்டி ஹீரோயின். இவர், தெலுங்கில் ‘உப்பெனா’, ‘ஷியாம் சிங்கா ராய்’ஆகிய படங்களில் நடித்துள்ளார். நடிகர் ஆதி இப்படத்தில் வில்லனாக நடிக்கிறார். அக்ஷரா கவுடா உட்பட பலர் நடிக்கின்றனர்.
தமிழ், தெலுங்கில் உருவாகும் இந்தப் படத்துக்கு தேவி ஸ்ரீ பிரசாத் இசை அமைக்கிறார். ஸ்ரீனிவாசா சில்வர் ஸ்க்ரீன் சார்பில் ஸ்ரீனிவாசா சித்தூரி - பவன் குமார் தயாரிக்கின்றனர். “இந்தப் படம் வழக்கமான போலீஸ் கதையாக இருக்காது” என்று இயக்குநர் லிங்குசாமி தெரிவித்திருந்தார்.
இந்நிலையில், இந்தப் படத்தின் ரிலீஸ் தேதியை படக்குழு அறிவித்துள்ளது. அதன்படி இந்தப் படம் ஜூலை 14 -ம் தேதி திரையரங்குகளில் வெளியாக இருக்கிறது.