போஸ்டர்களில் பேசும் ‘ரைட்டர்’

இயக்குநர் ஃப்ராங்க்ளின் ஜேக்கப் பேட்டி
இனியா
இனியா

சமுத்திரக்கனி, இனியா, போஸ்வெங்கட் நடிப்பில் உருவாகியிருக்கும் திரைப்படம் ‘ரைட்டர்’. வரும் வாரம் வெளியாகவுள்ள இத்திரைப்படத்தின் வித்தியாசமான போஸ்டர்கள், பல ஆழமான கருத்துகளைக் கொண்டு மக்களின் கவனம் ஈர்த்துவருகிறது.

புதுமுக இயக்குநர் இயக்கும் திரைப்படம் வெளியாகும் முன்பே, இப்படியான கவனம் பெறுவது மிகவும் அரிதான ஒன்று. அத்தகைய ஆச்சரியத்துடன், ‘ரைட்டர்’ படத்தின் இறுதிக்கட்ட பணிகளில் மும்மரமாக இருந்த ஃப்ராங்க்ளின் ஜேக்கப்பை காமதேனு இதழுக்காகச் சந்தித்தோம்.

முதல் படத்திலேயே அழுத்தமான கதையுடன் அறிமுகமாகவுள்ளீர்கள். இந்த சினிமா ஆர்வத்துக்கான முதல் புள்ளி எது?

நான் பிறந்து வளர்ந்தது எல்லாம் திருச்சி திருவெறும்பூரில்தான். என் அப்பா ராணுவத்தில் பணிபுரிந்தவர். அம்மா சத்துணவு ஆசிரியை. சினிமா ஆர்வத்தில் அதை வாழ்க்கையாகவே மாற்றிக்கொண்டவர்களில் நானும் ஒருவன். ஐடிஐ முடித்துவிட்டு, ரயில்வேயில் அப்ரன்டிஸாக பணிபுரிந்துவிட்டு, பிறகு சென்னை வந்து அனிமேஷன் படிக்க ஆரம்பித்தேன். அப்போதுதான் தயாரிப்பாளர் சி.வி.குமாருடைய தொடர்பு கிடைத்தது. அவரும் ஒரு அனிமேஷன் டிசைனர் என்பதால், அவருடன் என்னால் இயல்பாகப் பேசமுடிந்தது.

அப்போது அவர், “சீக்கிரம் நான் படம் தயாரிப்பேன். அதுல வந்து வேலை பாரு” என்று சொல்லியிருந்தார். அடுத்த சில நாட்களில் ‘அட்டக்கத்தி’ படப்பிடிப்பு ஆரம்பமானது. அப்போதுதான் பா.ரஞ்சித் சாரோட உதவி இயக்குநரா சினிமா வாழ்க்கையை ஆரம்பித்தேன். தொடர்ந்து ‘காலா’ வரை அவருடைய எல்லா படங்களிலும் வேலை பார்த்தேன். ரஞ்சித் சாரிடம் வேலைபார்க்கும் போது நிறைய வாசிக்கவேண்டிய கட்டாயம் இருக்கும். கட்டாயத்தின் அடிப்படையில்தான் நான் வாசிக்க ஆரம்பித்தேன். அந்த வாசிப்புதான் சமூகததின் மேல், சினிமாவின் மேல் இருக்கும் என்னுடைய பார்வையை இன்னும் ஆழமாக மாற்றியது.

Want to read the full story?

We’re glad you’re enjoying this story. Subscribe to any of our plans to continue reading the story.

Already have an account? Sign In

Related Stories

No stories found.
x
காமதேனு
kamadenu.hindutamil.in