'லியோ' வெற்றி விழாவில் நடிகர் விஜய் காத்து வைத்த ரகசியத்தை இயக்குநர் மிஷ்கின் மேடையில் உடைத்துள்ளார்.
'லியோ' பட வெற்றி விழாவில் நேரு உள்விளையாட்டு அரங்கில் நடைபெற்று வருகிறது. நடிகர் விஜய், த்ரிஷா, இயக்குநர் லோகேஷ் கனகராஜ், மிஷ்கின், ரத்னா, சாண்டி என படக்குழுவினர் மொத்தமும் கலந்து கொண்டனர். இதில் இயக்குநர் மிஷ்கின் பேசுகையில், "என் வாழ்க்கையில் புரூஸ்லீ, மைக்கேல் ஜாக்சன் என இரண்டு லெஜெண்ட் பற்றி படித்துள்ளேன். ஆனால், நான் நேரில் பார்த்துள்ள லெஜெண்ட் நடிகர் விஜய் மட்டும் தான். என்னை நிகழ்வுக்கு 4 மணிக்கு வர சொன்னார்கள். நான் 4.30 மணிக்கு வந்தேன். ஆனால், விஜய் 2 மணிக்கே இங்கு வந்துவிட்டார்" என்றார்.
ரசிகர்கள் தடாலடியாக விஜய் காரை சூழ்ந்து விடக்கூடாது என்பதற்காகவே நடிகர் விஜய் 2 மணிக்கே நேரு ஸ்டேடியத்திற்கு வந்துவிட்டார் என வெளியான தகவலை மிஷ்கின் மேடையிலேயே உறுதிப்படுத்தியுள்ளார். மேலும் அவர் பேசியதாவது, "விஜய் நிஜத்திலும் ஹீரோதான். அவர் ஜேம்ஸ் பாண்ட் போன்ற கதைகளில் நடிக்க வேண்டும் என்று ஆசைப்படுகிறேன்" என்று கூறினார்.