’லியோ’ படத்தின் வெற்றிக்காக இயக்குநர் லோகேஷ் கனகராஜ் திருப்பதி சென்றுள்ளார்.
லோகேஷ் கனகராஜ் இயக்கத்தில் நடிகர்கள் விஜய், த்ரிஷா, அர்ஜூன், மிஷ்கின் உள்ளிட்டப் பலர் நடித்திருக்ககூடியத் திரைப்படம் ‘லியோ’. வரும் 19ம் தேதி திரைப்படம் வெளியாக இருக்கும் நிலையில், இதன் இயக்குநர் லோகேஷ் கனகராஜ் தனது நண்பரும் இயக்குநருமான ரத்னாவுடனும் படக்குழுவுடனும் திருப்பதி சென்றுள்ளார். இந்த வீடியோவை ரத்னகுமார் தனது இன்ஸ்டாகிராம் பக்கத்தில் பகிர்ந்து, ‘’லியோ’ படத்தின் வெற்றிக்காக நாங்கள் திருப்பதி வந்துள்ளோம்’ எனக் கூறியுள்ளார்.
நேற்று, ‘லியோ’ படத்திற்கு 4 மணி மற்றும் 7 மணி காலை காட்சிகளுக்கு தமிழக அரசு அனுமதி வழங்கியது குறிப்பிடத்தக்கது. மேலும் படத்தில் இருந்து ‘அன்பெனும்’ என்ற மூன்றாவது பாடலும் அனிருத் இசையில் வெளியாகி இருந்தது. படம் வெளியாக இன்னும் சில தினங்களே இருக்கும் நிலையில், ரசிகர்களும் ஆர்வத்துடன் ‘லியோ’வை எதிர்நோக்கியுள்ளனர்.