‘லெஜண்ட்’ படத்தில் நடிகர் சரவணனுடன் நடிக்க முதலில் நயன்தாராவிடம் கேட்டிருக்கிறார்கள்.
ஜேடி-ஜெர்ரி இயக்கத்தில் நடிகர்கள் சரவணன், விவேக், பிரபு, ஊர்வசி உள்ளிட்டப் பலர் நடித்திருந்த திரைப்படம் ‘லெஜண்ட்’. கடந்த வருடம் வெளியான இந்தத் திரைப்படம் டிஸ்னி+ஹாட்ஸ்டார் ஓடிடி தளத்திலேயே கடந்த சில நாட்களுக்கு முன்புதான் வெளியானது. ஓடிடி தளத்தில் ரசிகர்களின் விருப்பத்துக்குரிய படமாக ட்ரெண்டிங்கிலும் இருந்தது. இந்தப் படம் குறித்து சமீபத்தில் கொடுத்த பேட்டி ஒன்றில் இயக்குநர்கள் ஜேடி-ஜெர்ரி படத்தில் நடிகை நயன்தாராவிடம்தான் முதலில் நடிக்கக் கேட்டதாகச் சொல்லி இருக்கிறார்கள். இரண்டு கதாநாயகிகளில் ஒருவர் என்றில்லாமல், படத்தில் சிறப்புத் தோற்றத்தில் நடிக்கவே முதலில் நயன்தாராவிடம் கேட்டிருக்கிறார்கள். ஆனால், சில தவிர்க்க முடியாத காரணங்களால் அவர் படத்தில் நடிக்க முடியாமல் போனது.
‘லெஜண்ட்’ படத்தை அடுத்து நடிகர் சரவணன் தற்போது புது லுக்கில் உள்ள புகைப்படங்களை வெளியிட்டுள்ளார். இது இணையத்தில் தற்போது வைரலாகி வருகிறது என்பது குறிப்பிடத்தக்கது.