மனைவியை விவாகரத்து செய்தாரா நடிகர் விஜய் ?: விக்கிபீடியா தகவலால் ரசிகர்கள் அதிர்ச்சி

நடிகர் விஜய், சங்கீதா
நடிகர் விஜய், சங்கீதா

விக்கிபீடியாவில் வெளியான தகவலால் நடிகர் விஜய், அவரது மனைவி சங்கீதாவை விவாகரத்து செய்து விட்டாரா என ரசிகர்கள் அதிர்ச்சியடைந்துள்ளனர்.

சர்ச்சைக்குரிய விக்கி பீடியா பக்கம்.
சர்ச்சைக்குரிய விக்கி பீடியா பக்கம்.

தமிழ் திரையுலகின் முன்னணி நடிகர் விஜய். இவரது மனைவி சங்கீதாவை விவகாரத்து செய்துவிட்டதாகவும், விஜயின் அடுத்த பார்ட்னர் கீர்த்தி சுரேஷ் என்று விக்கிபீடியாவில் தகவல் வெளியாகியுள்ளது அவரது ரசிகர்கள் மத்தியில் மட்டுமின்றி தமிழ் திரையுலகில் அதிர்ச்சியை ஏற்படுத்தியுள்ளது. ஏனெனில், விஜயின் விக்கிபீடியா பக்கத்தில், விஜய் மற்றும் அவருடைய மனைவி சங்கீதா சொர்ணலிங்கம், இருவரும் மியூச்சுவல் விவாகரத்து பெற்று பிரிந்து விட்டதாக பதிவிடப்பட்டுள்ளது.

சங்கீதாவுடன், விஜய்.
சங்கீதாவுடன், விஜய்.

அத்துடன் விஜய்க்கு மூன்று குழந்தைகள் இருப்பதாகவும் விக்கிபீடியா பக்கத்தில் மாற்றம் செய்யப்பட்டுள்ளது. இதன் காரணமாகத்தான் 'வாரிசு' பட இசை வெளியீட்டு விழாவிற்கும், ப்ரியா அட்லி வளைகாப்பிற்கும் நடிகர் விஜய் தனியாக கலந்து கொண்டார் என்று கூறப்படுகிறது. ஆனால், இந்த தகவல்கள் அனைத்தும் பொய் என்று விஜயை அறிந்தவர்கள் கூறுகின்றனர்.

திருத்தம் செய்யப்பட்ட விக்கி பீடியோ பக்கம்.
திருத்தம் செய்யப்பட்ட விக்கி பீடியோ பக்கம்.

நடிகர் விஜயின் இரண்டு குழந்தைகள் லண்டனில் இருப்பதால், அவர்களைப் பார்க்க சங்கீதா அங்கு சென்றுள்ளதாக கூறப்படுகிறது. சென்னையில் உள்ள சூட்டிங் பணிகளை முடித்துக்கொண்டு மனைவி மற்றும் குழந்தைகளைப் பார்க்க விரைவில் நடிகர் விஜய் லண்டன் செல்ல இருப்பதாகவும் தகவல் வெளியாகியுள்ளது. மேலும் தொழில் நுட்ப அடிப்படையில் விக்கிபீடியாவில் இடம்பெற்றுள்ள தகவல்களை யார் வேண்டுமானாலும் மாற்றிவிடலாம். இதனைப் பயன்படுத்தி விஜய் பக்கத்தில் சிலர், பொய்யான தகவல்களைப் பதிவிட்டுள்ளனர் என்று விவரம் அறிந்தவர்கள் கூறுகின்றனர். கடந்த சில நாட்களாகவே சமூக வலைதளங்களில் நடிகர் விஜய் விவாகரத்து செய்தி சிலரால் திட்டமிட்டு பரப்பப்படுவதாக அவரது ரசிகர்கள் குற்றம் சாட்டுகின்றனர்.

இந்த நிலையில் விஜய் விக்கிபீடியா பக்கத்தில் திருத்தம் செய்யப்பட்டுள்ளது. அதில் பார்ட்னர் என்ற இடத்தில் இருந்த கீர்த்தி சுரேஷ் பெயர் அகற்றப்பட்டுள்ளதுடன், நடிகர் விஜய் மனைவி சங்கீதா சொர்ணலிங்கம் என்றும், இரண்டு குழந்தைகள் இருப்பதாகவும் பதிவிடப்பட்டுள்ளது.

Related Stories

No stories found.
x
காமதேனு
kamadenu.hindutamil.in