ஷாருக்கானின் `ஜவான்’ குறித்து அனிருத் கொடுத்த அப்டேட்!

ஷாருக்கானின் ‘ஜவான்’ படம் குறித்து அனிருத் அப்டேட் கொடுத்துள்ளார்.

அட்லி இயக்கத்தில் நடிகர்கள் ஷாருக்கான், நயன்தாரா உள்ளிட்டப் பலரும் நடித்து வரக்கூடியத் திரைப்படம் ‘ஜவான்’. இந்தப் படத்திற்கு இசையமைப்பதன் மூலம் அனிருத் பாலிவுட்டிலும் இசையமைப்பாளராக அறிமுகமாகிறார். சமீபத்தில் இந்தப் படத்தில் இருந்து சண்டைக் காட்சி இணையத்தில் வெளியாகி ரசிகர்கள் மத்தியில் வைரலானது. இதனை அடுத்து தனது சமீபத்திய பேட்டி ஒன்றில் அவர் , ‘நான் மிகப்பெரிய ஷாருக்கான் ரசிகன். அவரது படங்கள் பார்த்தே வளர்ந்திருக்கிறேன். இப்போது அவருடைய படத்திற்கே இசையமைக்கிறேன் என்பது மகிழ்ச்சியான விஷயம்.

இதுவரை நீங்கள் கேட்ட என்னுடைய இசைகளிலேயே ‘ஜவான்’ படத்தின் இசை மிகச்சிறந்ததாக அமையும்’ எனக் கூறியுள்ளார். ‘ஜவான்’ படப்பிடிப்பு தற்போது மும்பையில் நடந்து வருகிறது. ஏப்ரல் மாத இறுதிக்குள் படப்பிடிப்பு மொத்தமாக முடியும் என எதிர்ப்பார்க்கலாம். உலகம் முழுவதும் படம் இந்த வருடம் ஜூன் 2-ம் தேதியும் வெளியாகும் என படக்குழு அறிவித்திருந்தது குறிப்பிடத்தக்கது.