நடிகை ராஷ்மிகாவைப் போலவே அச்சு அசலாக இருக்கும் நடிகையின் வீடியோவை பார்த்து ரசிகர்கள் அசந்து போயுள்ளனர். அந்த வீடியோவையும் அவர்கள் வைரலாக பகிர்ந்து வருகின்றனர்.
தமிழ், தெலுங்கில் முன்னணி நடிகையாக வலம் வந்து கொண்டிருப்பவர் நடிகை ராஷ்மிகா. டோலிவுட் மட்டுமல்லாது தற்போது பாலிவுட்டிலும் கலக்கி வருகிறார். ரன்பீருடன் இவர் நடித்துள்ள ‘அனிமல்’ திரைப்படத்தில் சமீபத்தில் வெளியான பாடலில் அதிகளவிலான உதட்டு முத்தக்காட்சிகளில் ராஷ்மிகா நடித்திருந்தார். இது ரசிகர்கள் மத்தியில் அப்போது பரபரப்பை ஏற்படுத்தியது. மேலும், அதிகளவிலான லிப் லாக் காட்சிகளுக்காக ராஷ்மிகா தனது சம்பளத்தை உயர்த்தி விட்டார் எனவும் தகவல் வெளியாக ராஷ்மிகா அதை மறுத்திருந்தார்.
இந்த நிலையில், பார்ப்பதற்கு அச்சு அசலாக ராஷ்மிகாவைப் போலவே இருக்கும் பெண் ஒருவரின் வீடியோ தற்போது இணையத்தில் வைரல் ஆகி வருகிறது. சிலர், ‘இந்த வீடியோ உண்மையில்லை, மார்ஃபிங் செய்துள்ளனர்’ எனவும் கமெண்ட் செய்து வருகின்றனர். சமீபத்தில், ரஜினி போலவே இருக்கும் ஒரு நபரின் வீடியோவும் புகைப்படங்கள் இணையத்தில் வைரலானது குறிப்பிடத்தக்கது.