’தங்கலான்’ படத்திற்குப் பிறகு நடிகர் விக்ரமின் 62ஆவது படம் குறித்தானத் தகவல் வெளியாகியுள்ளது.
’பொன்னியின் செல்வன்’ படத்தின் வெற்றிக்குப் பிறகு நடிகர் விக்ரம் தற்போது பா. இரஞ்சித் இயக்கத்தில் ‘தங்கலான்’ படத்தில் நடித்து முடித்துள்ளார். இந்தப் படம் அடுத்த வருடம் ஜனவரி மாதத்தில் வெளியாகும் எனப் படக்குழு அதிகாரப்பூர்வ அப்டேட் கொடுத்துள்ளது.
மேலும், கெளதம் மேனன் இயக்கத்தில் இவர் நடித்திருந்த ‘துருவ நட்சத்திரம்’ படமும் அனைத்து வேலைகளும் முடிந்து வெளியீட்டிற்குத் தயாராக உள்ளது. இந்தப் படங்களுக்குப் பிறகு ‘சித்தா’ பட இயக்குநர் அருண்குமாருடன் இணைகிறார் எனவும், அதற்கான புரோமோ ஷூட் முடிந்து விட்டதாகவும் சொல்லப்பட்டது.
இந்த நிலையில், நடிகர் விக்ரமின் 62வது படம் குறித்தான அப்டேட் வெளியாகியுள்ளது. முன்பு வெளியான தகவலை உறுதிப்படுத்தும் வகையில் இயக்குநர் அருண்குமாருடன் இணைகிறார் விக்ரம். படத்திற்கு ஜிவி பிரகாஷ் இசையமைக்கிறார். திருத்தணியை கதைக்களமாகக் கொண்டு காவல்நிலையத்தில் விக்ரம் அதிரடியாக அறிமுகம் ஆகும்படியாக வெளியாகியுள்ள இந்த புரோமோ வீடியோ கவனம் ஈர்த்துள்ளது. விக்ரம் தவிர மற்ற நடிகர்கள் குறித்தான அறிவிப்பு அடுத்தடுத்து வெளியாகும் என எதிர்பார்க்கலாம். 'தங்கலான்', 'சியான் 62' என அடுத்தடுத்து அப்டேட் கொடுத்து வருவதால் விக்ரம் ரசிகர்கள் உற்சாகத்தில் உள்ளனர்.
இதையும் வாசிக்கலாமே...
அடுத்த அதிர்ச்சி... இந்திய கம்யூனிஸ்ட் கட்சி தலைமை அலுவலகம் மீது பாட்டில், கல்வீச்சு!
தங்கம் விலை சவரனுக்கு ரூ.520 உயர்வு... நகைப்பிரியர்கள் அதிர்ச்சி!
முகேஷ் அம்பானிக்கு கொலை மிரட்டல்... ரூ.20 கோடி கேட்டு பரபரப்பு!
பிக் பாஸ் வீட்ல இந்த கூத்தெல்லாம் நடக்குது... உண்மையை போட்டுடைத்த முன்னாள் போட்டியாளர்!