ஜீவாவின் ‘வரலாறு முக்கியம்’ படத்துக்கு 300 ஸ்கிரீன்கள்: டிசம்பர் 9ல் ரிலீஸ்!

ஜீவாவின் ‘வரலாறு முக்கியம்’ படத்துக்கு 300 ஸ்கிரீன்கள்: டிசம்பர் 9ல் ரிலீஸ்!

சூப்பர் குட் ஃபிலிம்ஸ் ஆர்.பி. செளத்ரி தயாரிப்பில் சந்தோஷ் ராஜன் இயக்கத்தில் ஜீவா நடித்து வரும் டிசம்பர் 9-ம் தேதி வெளியாகும் 'வரலாறு முக்கியம்' படத்திற்கு 300 ஸ்கிரீன்கள் ஒதுக்கப்பட்டுள்ளது

சூப்பர் குட் ஃபிலிம்ஸ் ஆர்.பி. செளத்ரி புரொடக்‌ஷனின் 'வரலாறு முக்கியம்' திரைப்படம்தான் தற்போது இளைஞர்கள் மத்தியில் ட்ரெண்ட்டிங்கில் பேசுபொருளாக உள்ளது. இளைஞர்களைக் கவரும் வகையில் உருவாக்கப்பட்டுள்ள இந்தத் திரைப்படம் வரும் டிசம்பர் 9-ம் தேதி வெளியீட்டிற்குத் தயாராக உள்ளது. மேலும், இப்படத்திற்கு 300 ஸ்கிரீன்கள் ஒதுக்கப்பட்டுள்ளது. இந்த படத்துக்கு கேரளத்தைச் சேர்ந்த பிரபல இசையமைப்பாளரான ஷான் ரஹ்மான் ('ஜிமிக்கி கம்மல்' பாடல் புகழ்) இசையமைத்துள்ளார்.

தற்போது வெளியாகியுள்ள இந்தப் படத்தின் ட்ரெய்லர் பார்வையாளர்களை ஈர்த்து, படம் குறித்தான எதிர்ப்பார்பை அதிகரித்துள்ளது. மேலும் 100% எண்டர்டெயினராக இருக்கும் என்ற உத்திரவாதத்தையும் ட்ரெய்லர் கொடுத்துள்ளது.

கமர்ஷியல் மற்றும் பக்கத்து வீட்டு பையன் போன்ற கதாபாத்திரங்களை நடிகர் ஜீவா தேர்ந்தெடுத்து நடிக்கும் போது அந்தப் படங்கள் அவருக்கு வெற்றியையே தந்துள்ளன. அந்த வரிசையில் 'வரலாறு முக்கியம்' திரைப்படமும் பெரும்பாலான ரசிகர்களைக் கவரும் வகையிலான காட்சிகளோடு உருவாக்கப்பட்டுள்ளது. இயக்குநர் சந்தோஷ் ராஜனின் வெற்றி, அவரின் அறிமுகத்திலேயே நடிகர் ஜீவா மற்றும் சூப்பர் குட் ஃபிலிம் தயாரிப்பு நிறுவனத்தோடு 'களத்தில் சந்திப்போம்' படத்தில் தொடங்கியது.

அந்த வகையில் குடும்பங்களைக் கவர்ந்து திரையரங்குகளில் பார்த்து கொண்டாடும்படியான படமாக 'வரலாறு முக்கியம்' உருவாகி இருக்கிறது. இப்படத்தில் காஷ்மீரா பர்தேஷி மற்றும் ப்ரக்யா நாக்ரா ஆகியோர் கதாநாயகிகளாக நடித்துள்ளனர். விடிவி கணேஷ் மற்றும் மொட்ட ராஜேந்திரன் ஆகியோர் தங்கள் நகைச்சுவை மூலம் பார்வையாளர்களை சிரிக்க வைக்கவுள்ளனர். இவர்களுடன் கே.எஸ். ரவிக்குமார், சரண்யா பொன்வண்ணன் மற்றும் பல முக்கிய நடிகர்களும் படத்தில் முக்கிய வேடங்களில் நடித்துள்ளனர்.

Related Stories

No stories found.
x
காமதேனு
kamadenu.hindutamil.in