சிவகார்த்திகேயனின் ‘மாவீரன்’ ப்ரீ- பிசினஸ் விவரம் என்ன?

நடிகர் சிவகார்த்திகேயனின் ‘மாவீரன்’ படத்தின் ப்ரீ-பிசினஸ் விவரம் வெளியாகியுள்ளது.

'ப்ரின்ஸ்’ படத்திற்குப் பிறகு மடோன் அஷ்வின் இயக்கத்தில் நடிகர் சிவகார்த்திகேயன் தற்போது ‘மாவீரன்’ படத்தில் நடித்து வருகிறார். அதிதி ஷங்கர் இதில் சிவகார்த்திகேயனுக்கு ஜோடியாக நடிக்கிறார். இதன் முதல் பாடலான ’சீன் ஆ சீன் ஆ’ சமீபத்தில் வெளியாகி ரசிகர்களிடையே வரவேற்பு பெற்றது. விறுவிறுப்பாக நடந்து வரக்கூடிய இதன் படப்பிடிப்பு விரைவில் இறுதிக்கட்டத்தை நெருங்க இருக்கிறது என்பதையும் படக்குழு தெரிவித்தது. இந்தப் படத்தின் சாட்டிலைட் உரிமையை சன் டிவி பெற்றுள்ளது. இப்போது ‘மாவீரன்’ படத்திற்கான ப்ரீ- பிசினஸ் குறித்தானத் தகவல் வெளியாகியுள்ளது.

அதன்படி, இந்தப் படத்தின் ப்ரீ- பிசினஸ் 83 கோடி ரூபாய் வரை முடிக்கப்பட்டுள்ளது. ஓடிடி உரிமத்தை அமேசானும், ஆடியோ உரிமத்தை சரிகமப-வும் பெற்றுள்ளது என சொல்லப்படுகிறது. ’மாவீரன்’ படத்தை அடுத்து நடிகர் சிவகார்த்திகேயன், கமல்ஹாசனின் ராஜ்கமல் ஃபிலிம்ஸ் இன்டர்நேஷனல் தயாரிப்பில் ராஜ்குமார் பெரியசாமி இயக்கத்தில் நடிக்க இருக்கிறார். இதன் படப்பிடிப்பு ஏப்ரல் மாதம் தொடங்க இருக்கிறது என்பது குறிப்பிடத்தக்கது.