இசை வலம்: ‘கலைஞர் பொற்கிழி’ பெறும் காஷ்மீரி கவி

இசை வலம்: ‘கலைஞர் பொற்கிழி’ பெறும் காஷ்மீரி கவி
நிகத் சாஹிபா

காஷ்மீரி மொழியில், மரபையும் நவீனத்தையும் சந்திக்கும் புள்ளிகளாகத் தன்னுடைய கவிதைகளை முன்வைப்பவர் கவிஞர் நிகத் சாஹிபா. சாகித்ய அகாடமி வழங்கியிருக்கும் யுவபுரஸ்கார் விருதாளரான இவர், இந்த ஆண்டுக்கான ‘கலைஞர் பொற்கிழி’ விருதுக்குப் பிறமொழிப் பிரிவில் தேர்வு செய்யப்பட்டிருக்கும் கவிஞர். ஏறக்குறைய 600 ஆண்டுகள் பழமையான காஷ்மீரி மொழியின் பெருமையை, சொந்த மண்ணில் இருப்பவர்களே பேச மறுப்பதில் இருக்கும் அரசியலைப் பேசுபவை சாஹிபாவின் கவிதைகள். உலகமயமாக்கல், நுகர்வுக் கலாச்சாரம் போன்றவற்றை முன்வைத்து முகத்தில் அறைந்தாற்போல் பட்டவர்த்தனமாக எழுதக்கூடியவர் இவர்.

பாரம்பரியமான இஸ்லாமியக் குடும்பத்தில் பிறந்த சாஹிபா, தனது கவிதைப் பயணத்தின் தொடக்கத்தில் தனது குடும்பத்திலிருந்தே எதிர்ப்புகளைச் சந்தித்தவர். தனது தொடர்ச்சியான இலக்கியச் செயல்பாடுகள் மூலம் தடைகளைத் தகர்த்தபடி முன்னகர்ந்திருக்கிறார். இவரது கவிதைகளில் பெரும்பாலானவை பாலின சமத்துவத்தைப் பேசுபவை. வளர்ச்சியின் பெயரால் இயற்கை வளங்கள் சுரண்டப்படுவதற்கு எதிராகவும் இவரது கவிதைகள் முழங்குகின்றன. இவர் எழுதியிருக்கும் கஸல் பாடலும் மண்ணின் பெருமையையே பேசுகிறது. இதை மெலிதான பின்னணி இசையுடன் தனது குரலில் பதிவுசெய்திருக்கிறார் தன்வீர் ரேஷி.

https://www.youtube.com/watch?v=ywbCdBVyQ2M

மேலும் வாசிக்க விருப்பமா?

இந்த கட்டுரை தங்களுக்குப் பிடித்திருப்பதில் மகிழ்ச்சி. மேற்கொண்டு வாசிக்க சந்தாதாரர் ஆகுங்கள்.

Already have an account? Sign In

Related Stories

No stories found.
x
காமதேனு
kamadenu.hindutamil.in